قوم گويا جسم ہے ، افراد ہيں اعضائے قوم
کلیاتِ اقبال
Published 14 October 2026
قوم گويا جسم ہے ، افراد ہيں اعضائے قوم
منزل صنعت کے رہ پيما ہيں دست و پائے قوم
محفل نظم حکومت ، چہرہء زيبائے قوم
شاعر رنگيں نوا ہے ديدہ بينائے قوم
مبتلائے درد کوئي عضو ہو روتي ہے آنکھ
کس قدر ہمدرد سارے جسم کي ہوتي ہے آنکھ
About Allama Iqbal (علامہ محمد اقبال)
علامہ محمد اقبال (1877 – 1938) برصغیر کے نامور شاعر، مفکر اور فلسفی تھے، جو سیالکوٹ میں پیدا ہوئے۔ بانگِ درا، بالِ جبریل، ضربِ کلیم اور ارمغانِ حجاز ان کے شعری مجموعے ہیں۔ ان کی شاعری خودی، بیداری اور انسان کی بلندی کا پیغام دیتی ہے۔