مشرق کے نيستاں ميں ہے محتاج نفس نے
کلیاتِ اقبال
Published 14 October 2026
مشرق کے نيستاں ميں ہے محتاج نفس نے
شاعر ! ترے سينے ميں نفس ہے کہ نہيں ہے
تاثير غلامي سے خودي جس کي ہوئي نرم
اچھي نہيں اس قوم کے حق ميں عجمي لے
شيشے کي صراحي ہو کہ مٹي کا سبو ہو
شمشير کي مانند ہو تيزي ميں تري مے
ايسي کوئي دنيا نہيں افلاک کے نيچے
بے معرکہ ہاتھ آئے جہاں تخت جم و کے
ہر لحظہ نيا طور ، نئي برق تجلي
اللہ کرے مرحلہ شوق نہ ہو طے!
About Allama Iqbal (علامہ محمد اقبال)
علامہ محمد اقبال (1877 – 1938) برصغیر کے نامور شاعر، مفکر اور فلسفی تھے، جو سیالکوٹ میں پیدا ہوئے۔ بانگِ درا، بالِ جبریل، ضربِ کلیم اور ارمغانِ حجاز ان کے شعری مجموعے ہیں۔ ان کی شاعری خودی، بیداری اور انسان کی بلندی کا پیغام دیتی ہے۔