ہڑ دا گیت

جدهرو ویکھو، ہڑھ دا پانی گھوریاں پاوے| بندے، ر کھ، جنور تے فصلاں روڑھی جاوے

بھوتے ہاتھیان وانگوں، ہر شئے ڈھاوندا آوے| کوئی تے لبنوں روکے، کوئی تے نتھ پاوے جدهرو ویکھو، ہڑھ دا پانی گھوریاں پاوے بندے، ر کھ، جنور تے فصلاں روڑھی جاوے جگر دے ٹوٹے اکھان سامنے رُڑھدے جان| ہنجو اکھاں دے وچ، ہور اک ہڑھ لیاون دکھ کلیجے چیرن، ڈھاہ دلوں لان| دھرتی ویکھ اسمان نوں تمھیں اج رواوے جدهرو ویکھو، ہڑھ دا پانی گھوریاں پاوے بندے، ر کھ، جنور تے فصلاں روڑھی جاوے ہر پاسے ہے کا کو رولا، آ گیا اے ہڑه| ڈنگر ڈھور تے دانا پھکا کھا گیا اے ہڑه پل وچ پنڈاں دے پنڈ، ڈھاہ گیا اے ہڑه| پچھے ہر پاسے بربادی نظریں آوے جدهرو ویکھو، ہڑھ دا پانی گھوریاں پاوے بندے، ر کھ، جنور تے فصلاں روڑھی جاوے ہڑھ وچ عمراں بھر دی، کل کمائی رُڑھ گئی| جو شئے دھی دھیاں لئی بنائی، رُڑھ گئی چھل مارو وچ، کوٹھیاں نے لوکائی رُڑھ گئی| ایسے وچ دس کیہڑا، کیہنوں آن بچاوے جدهرو ویکھو، ہڑھ دا پانی گھوریاں پاوے بندے، ر کھ، جنور تے فصلاں روڑھی جاوے چڑھدا، لہندا، اک برابر کیتا پانی| رہ گئی پچھے لو کو! بس اک درد کہانی بچیا نہ کوئی، دکھ دی کتھا کیس سنائی| کون ہنگارا دیوے، کیہڑا دکھ سناوے جدهرو ویکھو، ہڑھ دا پانی گھوریاں پاوے بندے، ر کھ، جنور تے فصلاں روڑھی جاوے سانجھاے پنجاب تے، سانجھے سب دے دکھڑے| دل اداس نے بهاوین، فروی ہسدے مکھڑے ہڑھ دے اگے وی نہ پیر ایہناں دے اکھڑے| حوصلیاں نوں شاہد کیویں کوئی ہراوے جدهرو ویکھو، ہڑھ دا پانی گھوریاں پاوے بندے، ر کھ، جنور تے فصلاں روڑھی جاوے