chaak kī ḳhvāhish agar vahshat ba-uryānī kare

chaak kī ḳhvāhish agar vahshat ba-uryānī kare

sub.h ke mānind zaḳhm-e-dil garebānī kare

jalve kā tere vo 'ālam hai ki gar kiije ḳhayāl

dīda-e-dil ko ziyārat-gāh-e-hairānī kare

hai shikastan se bhī dil naumīd yā-rab kab talak

ābgīna koh par arz-e-girāñ-jānī kare

mai-kada gar chashm-e-mast-e-nāz se paave shikast

mū-e-shīsha dīda-e-sāġhar kī mizhgānī kare

ḳhatt-e-āriz se likhā hai zulf ko ulfat ne 'ahd

yak-qalam manzūr hai jo kuchh pareshānī kare

haath par gar haath maare yaar vaqt-e-qahqaha

kirmak-e-shab-tāb-āsā mah par-afshānī kare

vaqt us uftāda kā ḳhush jo qanā'at se asad

naqsh-pā-e-mor ko taḳht-e-sulaimānī kare

chaak ki KHwahish agar wahshat ba-uryani kare

subh ke manind zaKHm-e-dil garebani kare

jalwe ka tere wo 'alam hai ki gar kije KHayal

dida-e-dil ko ziyarat-gah-e-hairani kare

hai shikastan se bhi dil naumid ya-rab kab talak

aabgina koh par arz-e-giran-jaani kare

mai-kada gar chashm-e-mast-e-naz se pawe shikast

mu-e-shisha dida-e-saghar ki mizhgani kare

KHatt-e-ariz se likha hai zulf ko ulfat ne 'ahd

yak-qalam manzur hai jo kuchh pareshani kare

hath par gar hath mare yar waqt-e-qahqaha

kirmak-e-shab-tab-asa mah par-afshani kare

waqt us uftada ka KHush jo qana'at se asad

naqsh-pa-e-mor ko taKHt-e-sulaimani kare