jarāhat-tohfa almās-armuġhāñ dāġh-e-jigar hadiya

jarāhat-tohfa almās-armuġhāñ dāġh-e-jigar hadiya

mubārakbād 'asad' ġham-ḳhvār-e-jān-e-dardmand aayā

junūñ garm intizār o naala betābī kamand aayā

suvaidā tā ba-lab zanjīrī-e-dūd-e-sipand aayā

mah-e-aḳhtar-fashāñ kī bahr istiqbāl āñkhoñ se

tamāshā kishvar-e-ā.īna meñ ā.īna-band aayā

taġhāful bad-gumānī balki merī saḳht-jānī se

nigāh-e-be-hijāb-e-nāz ko bīm-e-gazand aayā

fazā-e-ḳhanda-e-gul tang o zauq-e-aish be-parvā

farāġhat-gāh-e-āġhosh-e-vidā-e-dil-pasand aayā

adam hai ḳhair-ḳhvāh-e-jalva ko zindān-e-betābi

ḳhirām-e-nāz barq-e-ḳhirman-e-sa.ī-e-sipand aayā

jarahat-tohfa almas-armughan dagh-e-jigar hadiya

mubarakbaad 'asad' gham-KHwar-e-jaan-e-dardmand aaya

junun garm intizar o nala betabi kamand aaya

suwaida ta ba-lab zanjiri-e-dud-e-sipand aaya

mah-e-aKHtar-fashan ki bahr istiqbaal aankhon se

tamasha kishwar-e-aina mein aaina-band aaya

taghaful bad-gumani balki meri saKHt-jaani se

nigah-e-be-hijab-e-naz ko bim-e-gazand aaya

faza-e-KHanda-e-gul tang o zauq-e-aish be-parwa

faraghat-gah-e-aghosh-e-wida-e-dil-pasand aaya

adam hai KHair-KHwah-e-jalwa ko zindan-e-betabi

KHiram-e-naz barq-e-KHirman-e-sai-e-sipand aaya