'ohde se mad.h-e-nāz ke bāhar na aa sakā

'ohde se mad.h-e-nāz ke bāhar na aa sakā

gar ik adā ho to use apnī qazā kahūñ

halqe haiñ chashm-hā-e-kushāda ba-sū-e-dil

har tār-e-zulf ko nigah-e-surma-sā kahūñ

maiñ aur sad-hazār navā-e-jigar-ḳharāsh

tū aur ek vo na-shunīdan ki kyā kahūñ

zālim mire gumāñ se mujhe munfa'il na chaah

hai hai ḳhudā-na-karda tujhe bevafā kahūñ

aañsū kahūñ ki aah savār-e-havā kahūñ

aisā 'ināñ-gusīḳhta aayā ki kyā kahūñ

iqbāl-e-kulfat-e-dil-e-be-mudda'ā rassā

aḳhtar ko dāġh-e-sāya-e-bāl-e-humā kahūñ

mazmūn-e-vasl haath na aayā magar use

ab tā.ir-e-par-burīda-e-rang-e-hinā kahūñ

duzdīdan-e-dil-e-sitam-āmāda hai muhāl

mizhgāñ kahūñ ki jauhar-e-teġh-e-qazā kahūñ

tarz-āfrīn-e-nukta-sarā.ī-e-tab' hai

ā.īna-e-ḳhayāl ko tūtī-numā kahūñ

'ġhālib' hai rutba-faham-e-tasavvur se kuchh pare

hai ijz-e-bandagī ki 'alī ko ḳhudā kahūñ

'ohde se madh-e-naz ke bahar na aa saka

gar ek ada ho to use apni qaza kahun

halqe hain chashm-ha-e-kushada ba-su-e-dil

har tar-e-zulf ko nigah-e-surma-sa kahun

main aur sad-hazar nawa-e-jigar-KHarash

tu aur ek wo na-shunidan ki kya kahun

zalim mere guman se mujhe munfa'il na chah

hai hai KHuda-na-karda tujhe bewafa kahun

aansu kahun ki aah sawar-e-hawa kahun

aisa 'inan-gusiKHta aaya ki kya kahun

iqbaal-e-kulfat-e-dil-e-be-mudda'a rassa

aKHtar ko dagh-e-saya-e-baal-e-huma kahun

mazmun-e-wasl hath na aaya magar use

ab tair-e-par-burida-e-rang-e-hina kahun

duzdidan-e-dil-e-sitam-amada hai muhaal

mizhgan kahun ki jauhar-e-tegh-e-qaza kahun

tarz-afrin-e-nukta-sarai-e-tab' hai

aaina-e-KHayal ko tuti-numa kahun

'ghaalib' hai rutba-faham-e-tasawwur se kuchh pare

hai ijz-e-bandagi ki 'ali ko KHuda kahun