قریب دل ، خروشِ صد جہاں ہم
کلیاتِ مجید امجد
Published 14 October 2026
قریب دل ، خروشِ صد جہاں ہم
جو تم سن لو ، تمہاری داستاں ہم
کسی کو چاہنے کی چاہ میں گم
جیے بن کر نگاہِ تشنگاں ہم
ہر اک ٹھوکر کی زد میں لاکھ منزل
ہمیں ڈھونڈھو ، نصیبِ گمرہاں ہم
ہمیں سمجھو ، نگاہِ ناز والو
لبوں پر کانپتا حرفِ بیاں ہم
بجھی شمعوں کی اس نگری میں ، امجدؔ
ابھرتے آفتابوں کی کماں ہم
جنوری 1958ء
مجید امجد
About Majeed Amjad (مجید امجد)
مجید امجد (1914 – 1974) پاکستان کے اردو شاعر تھے اور جدید اردو نظم کے اہم ترین ناموں میں شمار ہوتے ہیں۔