اے شہرِ بے چراغ! سحر کتنی دور ہے

اے شہرِ بے چراغ! سحر کتنی دور ہے کتنا سفر طویل ہے، گھر کتنی دور ہے

وابستگانِ عہدِ ستم کچھ تو بولیے اس دشتِ بے کراں میں شجر کتنی دور ہے

یہ ظلمتوں کے سلسلے کتنے طویل ہیں آخر وہ روشنی کا نگر کتنی دور ہے

یہ درد ہائے درد مِرے دل کو آ گیا تیری دعائے شب کا اثر کتنی دور ہے

اور خیمہءِ حسینؑ سے موجِ فرات تک کچھ تو بتا، اے اہل نظر کتنی دور ہے

گھر سے مِرے مزار کا کتنا ہے فاصلہ وہ کہہ رہے ہیں دور تو ہے کتنی دور ہے