انصاف ہمارا ماردیا

اس قوم کے دل آزاروں نے انصاف کے ان کرداروں نے انصاف ہمارا مار دیا

انصاف کی آنکھ کے تاروں نے اور سکّوں کی جھنکاروں نے انصاف ہمارا مار دیا

یاں ان کے گھر کا آئین ہے یاں زور زبر کا آئین ہے انصاف کے ٹھیکیداروں نے انصاف ہمارا مار دیا

انصاف کا پرچم ہاتھوں میں انصاف کی باتیں نغموں میں انصاف کے ان غم خواروں نے انصاف ہمارا مار دیا

تحریروں نے تقریروں نے اور عدل کی ان زنجیروں نے زنجیروں کی جھنکاروں نے انصاف ہمارا مار دیا

بس جھوٹ فریب کی گرہوں میں اور آئین کی تشریحوں میں انصاف کے پہرے داروں نے انصاف ہمارا مار دیا

ترا شوق تھا نیا آئینہ ،تجھے کیوں برا لگا آئینہ ترے خال و خد کیوں بدل گئے ، ترے دل میں کیوں چبھا آئینہ

مجھے کوئی کہتا ہے با وفا کوئی اور کہتا ہے بے وفا مرا کون ہے یہاں آشنا مجھے دیجئے ذرا آئينہ

وہ دکھائیے جو کہا کروں وہ بتائیے جو سنا کروں مرے ہم نشیں !مجھے ڈھونڈھ دے کوئی دلفریب سا آئینہ

ترے حسنِ ناز کی دلکشی جو مثال تھی کسی چاند کی وہ غبارِ وقت میں کھو گئی،تو کہاں گیا تیرا آئینہ

مری کم نگاہی کو دیکھ کر مرا یار پہلے تو رو پڑا مگر اس کے بعد وہ چل دیا مرے پاس رکھ گیا آئینہ