فلسطینی مسلمانو!

فلسطینی مسلمانو! جو تم پہ ظلم ہوتے ہیں ہمارا دل دہلتا ہے

تمھارے پھول سے بچے لہو میں جب نہاتے ہیں ہمارا دم نکلتا ہے

فلسطینی مسلمانو! جواں لاشوں پہ ماؤں کایہ غم دیکھا نہیں جاتا یہاں ماں باپ بچوں کے جواں لاشے اٹھاتے ہیں

فلسطینی مسلمانو! اگرچہ دور ہیں تم سے مگر یہ عہد کرتے ہیں کہ اپنی جاں، جگر، ہستی، وطن کا ہر بڑا چھوٹا تمھارے نام کرتا ہے

فلسطینی مسلمانو! جو تم پر آگ کے شعلے جہازوں سے برستے ہیں نئی تہذیب کا لاشہ، تمدن کا کفن اوڑھے بشر پر مسکراتا ہے

فلسطینی مسلمانو !تمھارے گھر اجڑنے پر، لہو آنکھیں اگلتی ہیں غضب کی بے قراری ہے تمھارے درد کا موسم مجاہؔد کو رلاتا ہے