ہم رخِ یار کو سورج سے سوا مانیں گے

ہم رخِ یار کو سورج سے سوا مانیں گے کم نگہ لوگ عقیدت کا برا مانیں گے

شہر والوں سے کہو چاند کی پوجا چھوڑیں چاند ڈوبے گا تو پھر کس کو خدا مانیں گے

تیری انگشت سے گر درد فنا ہو جائے پھر ترے ہاتھ کو ہم دستِ شفا مانیں گے

عمر میں آپ بڑے ہیں تو بڑی بات نہیں گر بڑا ظرف دکھائیں تو بڑا مانیں گے

اشک برسیں گے اور اشکوں میں لہو آئےگا شدتِ جذبہِ باہم کو وفا مانیں گے

یہ آخری شَمع ہے جو گلشن میں جلی ہے اور اس پہ ہوا تیز بہت تیز چلی ہے

میں درد کے پہلو میں رہا مجھ کو خبر کیا کس گھر میں سکوں کونسے آنگن میں خوشی ہے

یہ بات مجھے آج سرِ بزم بتا دے بن اِذن مری زیست کہانی کیوں لکھی ہے

اے میرے خُدا! تو مِرے حالات بدل دے دنیا میں تو ہر شخص کو اپنی ہی پڑی ہے

اے غم! تجھے دینے کے لیے کچھ بھی نہیں ہے سانسوں کی یہ سوغات بھی تھوڑی سی بچی ہے

یہ موسمِ ہجراں کی گھٹا پہلی گھٹا ہے بارش بھی میرے گھر میں بڑی کھل کے ہوئی ہے