ہر دشت میں ہر بحر میں فرعون بہت ہیں

ہر دشت میں ہر بحر میں فرعون بہت ہیں ہر موج میں ہر لہر میں فرعون بہت ہیں

بے جرم نگاہوں میں بھی اشکوں کے چراغاں لگتا ہے کہ اس شہر میں فرعون بہت ہیں

کیا درد کہانی ہے کہ نایاب ہے موسٰی اور ظلم کے اس دہر میں فرعون بہت ہیں

ہر شخص کے چہرے پہ ہے ایک خوف کی زردی کیا جانیے کیوں قہر میں فرعون بہت ہیں

وہ وقت بھی آئے گا کہ موسیٰ کی طرح ہم دیکھیں گے کسی نہر میں فرعون بہت ہیں