جب ترا درد مِرے دل سے سِوا ہوتا ہے

جب ترا درد مِرے دل سے سِوا ہوتا ہے جو بھی ہوتا ہے مرے ساتھ بجا ہوتا ہے

ایسے ملنے کو ملاقات نہیں کہ سکتے بس ترے ہونے کا احساس ذرا ہوتا ہے

میں کہ دیوانہ ہوں کھو جاؤں تو سُن لو لوگو جیب میں خانِہ گریاں کا پتا ہوتا ہے

شوخیِ حُسنِ تبسم میں فنا کا جادو خانہِ رنج و مصائب میں جُدا ہوتا ہے

ایک انداز ترا لوگ جسے جانتے ہیں ایک انداز جو ہر روز نیا ہوتا ہے

جس کے کے چہرے کی زیارت کو زمانے آئے دست بستہ تری چوکھٹ پہ کھڑا ہوتا ہے