مِرا قبلہ گاہ تری نگاہ مرا آسماں ترا آستاں

مِرا قبلہ گاہ تری نگاہ مرا آسماں ترا آستاں ترا نقش پا مِرا زادِ راہ مرا کل جہاں ترا میزباں

ترے بعد کوئی ساتھ تھا وہ جو ساتھ تھا ہمہ وقت تھا مجھے بعد میں یہ پتا چلا وہ ترا خیال تھا مہرباں

مرے حالِ دل پہ تری نظر مِرے روز و شب کی تجھے خبر یہ خدا کا کام ہے دلنشیں مرے ترجماں مرے راز داں

ترے ساتھ تھا تو فشارِ دل کی قیامتوں سے نجات تھی تُو چلا گیا مرا کیا ہوا کبھی آکےسُن مِری داستاں

یہ شکستگی مِری زندگی یہ رفوگری مری چاکری تُو فلک مزاج سا چاندہے تراکیا جہاں مرا کیا جہاں