میں نے کوئی چراغ جلایا نہیں ابھی

میں نے کوئی چراغ جلایا نہیں ابھی اس روشنی کا راز بھی پایا نہیں ابھی

یہ شوخیِ نگہ بتاتی ہے ، آپ نے خود کو وجود ِزن سے بچایا نہیں ابھی

صبح ِامید دیکھ کے تیری رفاقتیں میں نے چراغ ِشام بجھایا نہیں ابھی

بدلا ہوا یہ رنگ یہ لہجہ یہ گفتگو دل نے تمھارا نقش مٹایا نہیں ابھی

یہ کیا کہ مجھ کو دیکھ کے رونے لگے ہیں آپ میں نے تو دل کا حال سنایا نہیں ابھی

اونچے گھروں میں ہم سے فقیروں کی داستان گھر میں مجھے کسی نے بٹھایا نہیں ابھی