نعتِ رسول ﷺ

مری عقیدت، مری محبت، مری فضیلت میرے نبی ہیں وہی ہیں وجہِ وجودِ عالم، گلِ ہدایت مرے نبی ہیں

میں زندگی کے اَلنگ ہی میں بھٹکتا رہتا، الجھتا رہتا سراب ِہستی کے وسوسوں میں رہِ حقیقت، مِرے نبی ہیں

نبی چمکتے رہے ستاروں کی مثل اوجِ جہاں پہ لیکن چمکتے تاروں کی انجمن میں مہِ نبوت مِرے نبی ہیں

زمیں پہ دنیا بسانے والے رہِ ہدایت دکھانے والے نگاہ والو خدا کی سب سے نفیس آیت مِرے نبی ہیں

غرورِ شاہی ، نہ حسنِ پیکر، نہ شان و شوکت،نہ مال و دولت مقامِ عظمت مرے نبی ہیں، مقامِ عظمت مرے نبی ہیں