وہ اشک بار ہوا ہم پہ اپنے جبر کے بعد

وہ اشک بار ہوا ہم پہ اپنے جبر کے بعد سنا ہے ٹوٹ کے رویا ہمارے صبر کے بعد

وہ لے تو آیا تھا جلتے ہوئے چراغ مگر وہ لے کے آیا تھا لیکن طلوعِ سحر کے بعد

میں خاکِ فرش تھا میں رشکِ آسمان ہوا تمھارے ہجر سے پہلے تمھارے ہجر کے بعد

میں جی رہا ہوں یہاں اس طرح کہ جیسے کوئی کسی کے وصل سے پہلے کسی کے ہجر کے بعد

یہ کیا سفر ہے نہ جانے وہ کیا سفر ہوگا فشار ِقبر سے پہلے طلوع ِحشر کے بعد