سلام بحضور امام عالی مقام علیہ السلام

محسوس کرو ،تنہائی ہو اور دشتِ بلا کی وحشت ہو ہر شخص تمہارا دشمن ہو اور جور و جفا کی وحشت ہو

اک سمت بَہتر پیاسے ہوں، اک سمت انا کا لشکر ہو گردوں سے آگ برستی ہو اور بند ہوا کی وحشت ہو

اک سمت گلِ فردوسِ بریں، اک سمت شقئِ قلبِ حزیں پھر جبر کے ظالم پنجوں میں اک حرص و ہوا کی وحشت ہو

اک سمت سوال ہو بیعت کا، اک سمت انکار کی طاقت ہو ہوں بے حس لوگ مدینے کے اور کرب وبلا کی وحشت ہو